შეზღუდული შესაძლებლობების მქონე პირებისთვის აბაზანა უსაფრთხო და კომფორტული, ყოველდღიური ცხოვრების ერთ-ერთი მთავარი წინაპირობაა. ჰიგიენური პროცედურები, როგორიცაა ხელ-პირის დაბანა, შხაპის მიღება ან უნიტაზის გამოყენება, საჭიროებს სწორად ადაპტირებულ სივრცეს.
შშმ პირების უნიტაზი
VitrA შშმ პირებისთვის სთავაზობს როგორც დასადგამ, ასევე დასაკიდ უნიტაზებს, რომლებიც სტანდარტულისგან განსხვავდება ზომებითა და სამონტაჟო პარამეტრებით:
უნიტაზის სიგრძე - 70–75 სმ
დასაჯდომი ზედაპირის სიმაღლე დასრულებული უნდა იყოს იატაკიდან – 46 სმ
ხელსაბანი და შემრევი
შშმ პირებისთვის განკუთვნილ ხელსაბანს აქვს უკან შეწეული წინა ნაწილი, რაც ამარტივებს ეტლით მოსარგებლე პირის მიახლოებას. შემრევი გამოირჩევა გრძელი და მოხრილი სახელურით, რომელიც უზრუნველყოფს წყლის მარტივ მართვას ნებისმიერი პოზიციიდან.
სარკე
VitrA-ს ადაპტირებულ სარკეს აქვს წინ და უკან გადახრის შესაძლებლობა, რაც მომხმარებელს აძლევს სასურველ პოზიციაში მისი მარტივად დაფიქსირების საშუალებას.
ხელჩასავლები აქსესუარები
ხელჩასავლები აქსესუარები მონტაჟდება უნიტაზის, საშხაპისა და აბაზანის გვერდით. ისინი დამზადებულია 304 კლასის უჟანგავი ფოლადისგან და აღჭურვილია ანტისლიპ ზედაპირით. ეტლით მოსარგებლე პირისთვის აუცილებელია უნიტაზის ერთ მხარეს ასაკეცი აქსესუარი, ხოლო მეორე მხარეს — კედელზე ან იატაკზე დამაგრებული საყრდენი. ხელსაბანთან და სარკესთან რეკომენდირებულია ვერტიკალური ხელჩასავლების მონტაჟი.
დასაჯდომი აქსესუარი
დასაჯდომი სკამი ძირითადად გამოიყენება საშხაპეში და აქვს აკეცვის შესაძლებლობა. ის იდეალურია როგორც ეტლით მოსარგებლე, ასევე ხანშიშესული ადამიანებისთვის.
მოწყობის ზოგადი სტანდარტი
შშმ პირთა აბაზანის მოწყობისას აუცილებელია ეტლისთვის განკუთვნილი თავისუფალი სივრცის უზრუნველყოფა. აქსესუარების მონტაჟი უნდა მოხდეს რეკომენდირებული სტანდარტების მიხედვით, თუმცა საბოლოო გადაწყვეტა ინდივიდუალურად უნდა იყოს მორგებული მომხმარებლის საჭიროებებზე.
