ქრომირებული ზედაპირი - ეს არის ლითონის დეტალი, რომელიც დაფარულია ქრომის თხელი ფენით. სწორედ ამ ფენას აქვს უნარი, რომ მასალა გახდეს უფრო გამძლე და ბზინვარე, ასევე ის იცავს პროდუქტს კოროზიისგან.
Merlons-ის ქრომირებული ზედაპირები გამოირჩევა მაღალი ხარისხითა და მდგრადობით. ისინი ინტერიერს ანიჭებენ ელეგანტურობისა და სისუფთავის შეგრძნებას, რაც განსაკუთრებით მნიშვნელოვანია აბაზანისა და სამზარეულოს სივრცეებში. თუმცა, იმისთვის, რომ დიდხანს შეინარჩუნონ ბზინვარება და პირვანდელი იერი, საჭიროა სწორი მოვლა და რეგულარული წმენდა.
იმისთვის, რომ ქრომირებულმა ზედაპირმა შეინარჩუნოს ბზინვარება და არ დაზიანდეს, უმჯობესია გამოიყენოთ სპეციალურად ქრომირებული მასალებისთვის განკუთვნილი საწმენდები. არ არის რეკომენდებული ისეთი საშუალებების გამოყენება, რომელთა შემადგენლობაშიც დიდი რაოდენობით ქიმიური დანამატებია — ეს იწვევს ზედაპირის დაკაწვრასა და ლაქების გაჩენას.
ასევე მნიშვნელოვანია, რომ წყლის მთავარ მიმწოდებელზე დამონტაჟებული გქონდეთ ფილტრი; ეს თავიდან აარიდებს წყალში არსებული ქვიშის მოხვედრას შემრევში, რამაც შესაძლოა გამოიწვიოს კარტრიჯისა და აერატორის დაზიანება.
გარდა ამისა, ქრომირებული ზედაპირის მოვლისას რეკომენდებულია: • გაწმენდის შემდეგ ზედაპირი აუცილებლად გაამშრალოთ რბილი, მიკროფიბრის ნაჭრით, რათა წყლის წვეთებმა შემრევზე არ დატოვოს თეთრი კვალი; • არ გამოიყენოთ უხეში ღრუბელი ან მეტალის ჯაგრისი, რადგან ისინი ადვილად აზიანებენ ზედაპირს და უკარგავენ ბზინვარებას;
ასეთი მარტივი წესების დაცვით Merlons-ის ქრომირებული ზედაპირები მრავალი წლის განმავლობაში შეინარჩუნებს სილამაზესა და ფუნქციონალურობას.
